«FOCUS ON: ҰБТ-ҒА ПСИХОЛОГИЯЛЫҚ ДАЙЫНДЫҚ» атты аудандық семинар-тренинг жоғары деңгейде өтті. 
Семинардың мақсаты – оқушылардың ҰБТ-ға психологиялық дайындығын қалыптастыру, емтихан алдындағы күйзелісті төмендету және тиімді оқу стратегияларын дамыту. 
Іс-шара барысында: 
Әдістемелік бөлім басшысы Орынбекова Д.Б. «ҰБТ туралы түсінік» тақырыбында мазмұнды ақпарат беріп, қатысушыларға маңызды бағыт-бағдар ұсынды; Әдіскер Омарова Б.Ш. «Емтихан алдындағы психологиялық дайындық» тақырыбында практикалық кеңестерімен бөлісті; Психолог Құрбанәлі А. қатысушыларға стресстің алдын алу техникаларын тәжірибе жүзінде көрсетіп, пайдалы жаттығулар ұсынды; ZIYATKER TURAN ЖШС мектебінің психологы Жетписова А.Е. «Мидың құпиялары: қалай оңай әрі тез үйренуге болады?» тақырыбында тәжірибе алмасып, тиімді оқу әдістерімен бөлісті. 
Семинарға ауданнан 40-дан астам психолог мамандар қатысып, өзара тәжірибе алмасып, кәсіби біліктіліктерін арттырды. Мұндай іс-шаралар білім беру ұйымдарындағы психологиялық қызметтің сапасын арттырып, оқушыларға жан-жақты қолдау көрсетуге үлкен мүмкіндік береді. #Шымкент #ПсихологиялықҚолдау #ҰБТ2026 #Психологтар #Семинар #ТәжірибеАлмасу
